Кыргыз Республикасынын Министрлер Кабинетине караштуу Жарандык авиация мамлекеттик агенттигинин авиациялык персоналды тастыктамалоо башкармалыгы.
Авиациялык персоналды тастыктамалоо башкармалыгы АПКР-1 «Авиациялык персоналга күбөлүктөрдү берүү» талаптарын ишке ашыруу боюнча жарандык авиациянын ыйгарым укуктуу органынын функцияларын аткарат жана Кыргыз Республикасынын авиациялык персоналын тастыктамалоо чөйрөсүндө мамлекеттик жөнгө салууну камсыз кылат.
Өз ыйгарым укуктарынын чегинде Башкармалык:
-авиациялык персоналга күбөлүктөрдү, ошондой эле квалификациялык жана өзгөчө белгилерди берүү, узартуу, калыбына келтирүү, токтотуу жана жокко чыгарууну уюштурат жана жүзөгө ашырат;
-чет мамлекеттер тарабынан берилген авиациялык персоналдын күбөлүктөрүн тааныйт жана аларды таануунун шарттарынын сакталышын контролдойт;
-теориялык билимдерди жана практикалык көндүмдөрдү текшерүүнү, анын ичинде экзамендерди, квалификациялык текшерүүлөрдү жана компетенттүүлүктү баалоону камсыз кылат;
-жарандык авиация органы тарабынан дайындалган экзаменаторлордун, квалификациялык жана дарыгердик комиссиялардын ишин координациялайт;
-авиациялык окуу уюмдарын, даярдоо программаларын жана авиациялык персоналды даярдоонун сапатын камсыздоо тутумун бекитет жана контролдойт;
-берилген жана таанылган күбөлүктөр боюнча маалыматтарды эсепке алууну, каттоону жана сактоону жүргүзөт;
-авиациялык персоналды даярдоо, баалоо жана квалификациясын колдоо жаатындагы талаптардын сакталышына көзөмөл жүргүзөт.
Башкармалыктын ишмердүүлүгү авиациялык персоналдын кесиптик даярдыгынын талап кылынган деңгээлин жана Кыргыз Республикасынын жарандык авиациясында учуулардын коопсуздугун камсыз кылууга багытталган.
Почталык дареги – personnel-licensing@caa.kg