2025-жылдын 25-августунан 28-августуна чейин Кыргыз Республикасынын Министрлер Кабинетине караштуу Жарандык авиация мамлекеттик агенттигинде JAA Training Organization (JAA TO) эл аралык уюмунун “Жөнгө салуу органдарына аудит” темасында окуу курстары өттү.
Программа жарандык авиацияда көзөмөлдөө жана иликтөө чөйрөсүндөгү адистердин компетенцияларын жогорулатууга багытталган. Тренингди JAA TO өкүлү - тажрыйбалуу инструктор Stephen Walker өткөрдү.
Курска Жарандык авиация мамлекеттик агенттигинин инспекторлору катышты. Сабактар авиациялык аудитти жүргүзүүгө, тобокелдиктерге талдоо жүргүзүүгө жана ИКАО жана EASA стандарттарына ылайык учуу коопсуздугунун жогорку деңгээлин камсыз кылууга заманбап ыкмаларды камтыйт.
JAA Training Organisation - авиациялык билим берүү боюнча таанылган эл аралык лидер,болуп саналат (ICAO TRAINAIR PLUS Platinum Excellence Centre) жана дүйнө жүзү боюнча авиациялык бийликтер жана авиакомпаниялар менен жигердүү кызматташат.
Жарандык авиация мамлекеттик агенттиги мындай курстарды Кыргыз Республикасында өткөрүү улуттук авиация адистерин алдыдагы эл аралык аудиттерге даярдоого жардам берип, өлкөнүн авиациялык потенциалын чыңдай турганын белгилейт.
